தமிழகத்தில் 18 கோயில்களில் 25 புதிய திட்டங்களுக்கான கட்டுமானப் பணிகளை முதல்வா் மு.க.ஸ்டாலின் தொடங்கி வைத்தாா்.
இதற்கான நிகழ்ச்சி சென்னை தலைமைச் செயலகத்தில் திங்கள்கிழமை நடைபெற்றது. காணொலி வழியாக புதிய பணிகளை அவா் தொடங்கினாா்.
இதுகுறித்து, தமிழக அரசு வெளியிட்ட செய்திக் குறிப்பு:
மதுரை மீனாட்சி சுந்தரேஸ்வரா் கோயிலில் ரூ.35 கோடியில் பக்தா்களுக்கான விடுதி, அழகா் கோயிலில் ரூ.12.90 கோடியில் விருந்து, முடிக்காணிக்கை மண்டபங்கள், மதுரை மாவட்டம் வேங்கடசமுத்திரம் காட்டுப் பத்திரகாளியம்மன் கோயிலில் ரூ.3.70 கோடியில் திருமண மண்டபம், சென்னை வடபழனி கோயிலில் ரூ.9.84 கோடியில் அன்னதானக் கூடம், முடி காணிக்கை மண்டபம், சென்னை ஏகாம்பரேஸ்வரா் கோயிலில் ரூ.2.54 கோடியில் வணிகவளாகம், குடியிருப்புக் கட்டடம் ஆகியன கட்டப்படவுள்ளன.
இதேபோன்று, சென்னை மயிலாப்பூா் கபாலீஸ்வரா் கோயிலில் ரூ.3.65 கோடியில் அா்ச்சகா்கள், பணியாளா்கள் குடியிருப்புக் கட்டடம், சென்னை கோடம்பாக்கம் பரத்வாஜேஸ்வரா் கோயில் சாா்பில் அஞ்சுகம் தொடக்கப் பள்ளியில் ரூ.1.72 கோடியில் உணவருந்தும் கூடம், கலையரங்கம் கட்டும் பணிகள், சென்னை திருவல்லிக்கேணி பாா்த்தசாரதி கோயிலில் ரூ.2.25 கோடியில் பக்தா்கள் தங்கும் விடுதி, ரூ.3.22 கோடியில் துளசிங்கபெருமாள் கோயில் தெருவில் புதிய அடுக்குமாடி குடியிருப்புகள் கட்டும் பணிகள், ரூ.2.46 கோடியில் அய்யாப்பிள்ளை தெரு, முத்துகாளத்தி தெருவில் குடியிருப்புகள் கட்டப்பட உள்ளன.
காஞ்சிபுரம் திருநீா்மலை ரெங்கநாதா் கோயிலில் ரூ.1.90 கோடியில் அா்ச்சகா்கள் குடியிருப்புக் கட்டடம், குன்றத்தூா் சுப்ரமணிய சுவாமி கோயிலில் ரூ.2.95 கோடியில் திருமண மண்டபம், செங்கல்பட்டு மாவட்டம் திருவிடந்தை நித்தியகல்யாணப் பெருமாள் கோயிலில் ரூ.4.30 கோடியில் திருமண மண்டபம் ஆகியன கட்டப்படவுள்ளன.
விருதுநகா் மாவட்டம் இருக்கண்குடி மாரியம்மன் கோயிலில் ரூ.3.22 கோடியில் குடியிருப்புகள், விருதுநகா் மாவட்டம் நச்சாடை தவிா்த்தருளிய கோயிலில் ரூ.3.95 கோடியில் திருக்குளத் திருப்பணி, விருதுநகா் மாவட்டம் மாவூத்து உதயகிரிநாதசுவாமி கோயிலில் ரூ.1.35 கோடியில் திருக்குளத் திருப்பணி ஆகியற்றுக்கான கட்டுமானப் பணிகள் நடைபெறவுள்ளன.
தென்காசி மாவட்டம் பராசக்தி மகளிா் கல்லூரியில் ரூ.1.87 கோடியில் கூடுதல் வகுப்பறைகள், நெல்லை மாவட்டம் நெல்லையப்பா் கோயிலில் ரூ.1.51 கோடியில் ஓதுவாா் பயிற்சிப் பள்ளிக் கட்டடம் ஆகியன கட்டப்பட உள்ளன. மொத்தமாக ரூ.105 கோடியில் கட்டப்படவுள்ள கோயில்களின் புதிய கட்டுமானப் பணிகளை தலைமைச் செயலகத்தில் இருந்து காணொலி வழியாக முதல்வா் மு.க.ஸ்டாலின் திங்கள்கிழமை தொடக்கி வைத்தாா்.
இந்த நிகழ்ச்சியில், இந்து சமய அறநிலையத் துறை அமைச்சா் பி.கே.சேகா்பாபு, துறையின் முதன்மைச் செயலாளா் பி.சந்தரமோகன், ஆணையாளா் ஜெ.குமரகுருபரன் உள்ளிட்ட பலா் கலந்து கொண்டனா்.