கோவையில் சந்தேகத்திற்கு இடமான நபர்களை சிறப்பு நுண்ணறிவு பிரிவு போலீசார் தீவிரமாக கண்காணித்து வருகிறார்கள். அவர்களின் செயல்பாடுகள்,சமூக வலைத்தள பதிவுகள், தொடர்பு கொள்ளும் நபர்கள் அவர்கள் எங்கு செல்கின்றனர்?உள்ளிட்ட பலவற்ற கண்காணிக்கிறார்கள். இந்த நிலையில் கரும்புக்கடை .பாரத் நகரை சேர்ந்த சுலைமான் ( வயது 26)சபா கார்டனைச் சேர்ந்த அப்துல் காதர் ( வயது 27)ஆகியோர் சமூக வலைதளத்தில் பதிவிட்ட கருத்துக்களை போலீசார் கண்காணித்தனர்.சர்ச்சைக்குரிய கருத்துக்களை பதிவிட்டு இருந்ததால் இருவரது வீடுகளிலும் சிறப்பு நுண்ணறிவு பிரிவு போலீசார் நேற்று சோதனை நடத்தினார்கள். அவர்களது வீடுகளில் இருந்து சில ஆவணங்கள் மற்றும் மடி கணினியையும் கைப்பற்றிய போலீசார் 2 பேரையும் விசாரணைக்காக காவல் நிலையத்திற்கு அழைத்துச் சென்றனர்.இதே போல் மேலும் சிலரையும் விசாரணை வளையத்துக்குள் கொண்டு வர போலீசார் திட்டமிட்டுள்ளனர்.
இதுகுறித்து போலீஸ் அதிகாரிகள் கூறியதாவது:- சோதனை நடைபெற்ற 2 பேரின் வங்கி கணக்குகளும் ஆய்வு செய்யப்பட்டது. கோவையில் கடந்த கால சம்பவங்கள் கருத்தில் கொண்டு குழுவாக செயல்படுபவர்கள் சமூக வலைத்தளங்களில் சர்ச்சுக்குரிய கருத்துக்களை பதிவிடுபவர்கள் உட்பட பலரும் கண்காணிக்கப்பட்டு வருகிறார்கள். என்று தெரிவித்தனர்.