இலங்கையில் பொருளாதார நெருக்கடியை தீர்க்காத ஆட்சியாளர்களுக்கு எதிராக மக்கள் கிளர்ச்சியில் ஈடுபட்டுள்ளனர்.
இதனையடுத்து, ஜனாதிபதி கோட்டாபய ராஜபக்ஷ அண்மையில் பதவி விலகினார். இதனையடுத்து இடைக்கால ஜனாதிபதியாக பிரதமர் ரணில் விக்கிரமசிங்க பதவியேற்றுள்ளார். புதிய குடியரசுத் தலைவருக்கான தேர்தல் வரும் 20ம் தேதி நடைபெறுகிறது. கோட்டாபய ராஜபக்ஷ பதவி விலகிய போதிலும் தமது எதிர்ப்பைக் கைவிடாத போராட்டக்காரர்கள் இடைக்கால ஜனாதிபதி ரணில் விக்கிரமசிங்கவுக்கு எதிரான போராட்டத்தையும் தீவிரப்படுத்தி வருகின்றனர்.
நாட்டின் ஒட்டு மொத்த அரசு முறையிலும் மாற்றம் வரும் வரை தங்களது போராட்டம் தொடரும் என அறிவித்துள்ளனர். இந்த சூழலில் இலங்கையில் உணவு பொதுமக்களை சென்றடைவதற்கு அதிகப்படியான பணவீக்கமே காரணம் என இடைக்கால ஜனாதிபதி ரணில் விக்கிரமசிங்க தெரிவித்துள்ளார். உணவு பாதுகாப்பு தொடர்பான சர்வதேச மாநாட்டில் கலந்து கொண்டு உரையாற்றிய அவர், ‘இலங்கையில் சுமார் 60 லட்சம் பேர் ஊட்டச்சத்து குறைபாட்டால் பாதிக்கப்பட்டுள்ளதாக கூறப்படுகிறது.
இந்த எண்ணிக்கை 75 லட்சமாக இருக்கலாம் என மற்ற தகவல்கள் தெரிவிக்கின்றன. இலங்கையில் சராசரி அரிசி உற்பத்தி பொதுவாக 2.4 மில்லியன் மெட்ரிக் தொன்களாகும். இருப்பினும், 2021ல் உற்பத்தி 1.6 கோடி மெட்ரிக் டன்னாக குறைந்துள்ளது,’ என்றார். இலங்கையின் அரிசித் தேவையில் மூன்றில் ஒரு பகுதியை இறக்குமதி செய்ய வேண்டியதன் அவசியத்தை தேசிய மனித உரிமைகள் ஆணையம் கடுமையாகக் கண்டிப்பதாகக் கூறிய விக்கிரமசிங்க, உணவுப் பாதுகாப்பு தொடர்பான G7 உலகளாவிய கூட்டமைப்பு உணவுப் பொருட்களைக் கொள்வனவு செய்ய 14 பில்லியன் டாலர்களை வழங்கியுள்ளது என்றும் கூறினார்.
எவ்வாறாயினும், சர்வதேச நெருக்கடிகளுக்கு மத்தியில் இலங்கையை சரிவில் இருந்து பாதுகாக்க நிறைய செய்ய வேண்டியுள்ளது என்று அவர் கூறினார். இதேவேளை, அதிக கடன் அளவுகள் மற்றும் மட்டுப்படுத்தப்பட்ட கொள்கைகளை கொண்ட நாடுகளுக்கு இலங்கை ஒரு எச்சரிக்கை அடையாளம் என சர்வதேச நிதியம் தெரிவித்துள்ளது. இலங்கையின் பொருளாதார நெருக்கடி நாளுக்கு நாள் மோசமடைந்து வரும் நிலையில், நாட்டில் கடுமையான மின்சார தட்டுப்பாடு ஏற்பட்டுள்ளது. இதன் காரணமாக இன்றும் நாளையும் தலா 3 மணி நேரம் மின்வெட்டு அமல்படுத்தப்படும் என மின்துறை அறிவித்துள்ளது.
இதேவேளை, ஜனாதிபதி முறைமையை இல்லாதொழித்து முற்றாக மாற்றியமைக்கும் தமது இலக்கை அடையும் வரை போராட்டம் தொடரும் என போராட்டக்காரர்கள் அறிவித்துள்ளனர். இந்நிலையில், இலங்கையில் சட்டம் ஒழுங்கை பாதுகாக்கும் வகையில் இன்று முதல் மீண்டும் அவசரநிலை அமுல்படுத்தப்பட்டுள்ளது. இடைக்கால ஜனாதிபதி ரணில் விக்கிரமசிங்கவின் உத்தரவின் பேரில் அவசரநிலை அமுல்படுத்தப்பட்டுள்ளது. பொது பாதுகாப்பு கட்டளைச் சட்டத்தின் 2வது பிரிவின் கீழ் இலங்கையில் இன்று (ஜூலை 18) முதல் அமுலுக்கு வரும் வகையில் பொது அவசர நிலை பிரகடனப்படுத்தப்பட்டுள்ளது.