கோவை : சென்னை பெரம்பூர் கோவிந்தசாமி வீதியைச் சேர்ந்தவர் பிரகாஷ் (வயது 38 ) இவர் துடியலூரில் உள்ள ஒரு தனியார் நிறுவனத்தில் என்ஜினியராக வேலை பார்த்து வருகிறார். என். ஜி.ஜி.ஓ.காலனி, வி.கே.வி நகரில் தங்கி உள்ளார் . கடந்த, மாதம் 21- ஆம் தேதி வீட்டை பூட்டி குடும்பத்துடன் சென்னைக்குச் சென்று இருந்தார் .நேற்று திரும்பி வந்தார் .அப்போது வீட்டின் முன் கதவு பூட்டு உடைக்கப்பட்டு இருந்தது. உள்ளே சென்று பார்த்தபோது பீரோவில் இருந்த 13 பவுன் தங்க நகைகள் , 2 வெள்ளி கொலுசு ஆகியவற்றை காணவில்லை. யாரோ திருடி சென்று விட்டனர் .இது குறித்து பிரகாஷ் துடியலூர் போலீசில் புகார் செய்துள்ளார் .போலீசார் வழக்கு பதிவு செய்து விசாரணை நடத்தி வருகிறார்கள்.
இன்ஜினியர் வீட்டின் பூட்டை உடைத்து 13 பவுன் நகை, வெள்ளி கொள்ளை-கோவையில் துணிகரம்..!
