ஒவ்வொரு ஆண்டும் ஜூலை மாதம் நாடாளுமன்ற மழைக்கால கூட்டத்தொடர் கூடும். அதன்படி இந்தாண்டு இன்று ஜூலை 19ம் தேதி நாடாளுமன்றத்தின் மழைக்கால கூட்டத்தொடர் கூடுகிறது.
இந்த கூட்டத்தொடரில் பல முக்கிய மசோதாக்கள் தாக்கல் செய்யப்பட உள்ளன. மறுபுறம் எதிர்க்கட்சிகளும் பல முக்கிய விவகாரங்களை எழுப்ப திட்டமிட்டுள்ளன. இதற்கிடையே அவை காலை துவங்கிய உடனேயே எதிர்க்கட்சியினர் அமளியில் ஈடுபட்டதால் இரு அவைகளும் ஒத்திவைக்கப்பட்டுள்ளது.
நாடாளுமன்றத்தின் மழைக்கால கூட்டத்தொடர் இன்று (ஜூலை 20) தொடங்கி ஆகஸ்ட் 13 வரை நடைபெறுகிறது. பட்ஜெட் கூட்டத்தொடருக்குப் பிறகு இப்போது மழைக்கால கூட்டத்தொடர் கூட்டப்படுவதால் அதன் மீது எதிர்பார்ப்பு பல மடங்கு அதிகரித்துள்ளது. இடைப்பட்ட மாதங்களில் தேசியளவிலும் அரசியல் மொத்தமாகவே மாறிவிட்டது என சொல்லலாம்.
இந்த கூட்டத்தொடரில் பல முக்கிய மசோதாக்கள் தாக்கல் செய்யப்பட்டு, விவாதிக்கப்பட்டு நிறைவேற்றப்பட உள்ளன. இது தொடர்பாக நேற்றைய தினம் இன்று நாடாளுமன்ற வளாகத்தில் அனைத்துக் கட்சிக் கூட்டம் நடைபெற்றது. பாதுகாப்புத்துறை அமைச்சர் ராஜ்நாத் சிங் தலைமை நடந்த இந்த கூட்டத்தில் மத்திய நாடாளுமன்ற விவகாரத்துறை அமைச்சர் கிரண் ரிஜிஜு, ராஜ்ய சபா அவை முன்னவர் ஜே.பி. நட்டா உள்ளிட்டோர் பங்கேற்றனர்.
கூட்டம் தொடங்கிய சிறிது நேரத்திலேயே திரிணாமுல் காங்கிரஸில் இருந்து வெளியேறி தேசிய குடிமக்கள் கட்சியில் இணைந்தவர்கள் இந்த கூட்டத்தில் கலந்து கொண்டதால் எதிர்ப்பு தெரிவித்து காங்கிரஸ், திரிணாமுல் காங்கிரஸ், திமுக, சமாஜ்வாதி கட்சி, ஆம் ஆத்மி உள்ளிட்ட எதிர்க்கட்சிகள் வெளிநடப்பு செய்தன. இருப்பினும், தங்களது எதிர்ப்பை பதிவு செய்த பிறகு மீண்டும் கூட்டத்தில் பங்கேற்றன.
கூட்டத்திற்குப் பிறகு செய்தியாளர்களிடம் பேசிய மத்திய அமைச்சர் கிரண் ரிஜிஜு, நாடாளுமன்றம் சுமுகமாக நடைபெற அனைத்து அரசியல் கட்சிகளும் ஒத்துழைக்க வேண்டும் என்று கேட்டுக்கொண்டார். தேசிய முக்கியத்துவம் வாய்ந்த பிரச்சினைகள் குறித்து ஆரோக்கியமான விவாதங்கள் நடைபெற வேண்டும் என்றும் தொடர் அமளி ஜனநாயகத்திற்கு நல்லதல்ல என்றும் அவர் வலியுறுத்தினார்.
இந்த கூட்டத்தொடரில் மத்திய அரசு 7 முக்கியமான மசோதாக்களை கொண்டு வர திட்டமிட்டுள்ளன. குறிப்பாக டிலிமிடெஷன் எனப்படும் தொகுதி மறுவரையறை மசோதாவை கொண்டு வர மத்திய அரசு திட்டமிட்டுள்ளது. 3ல் 2 பங்கு ஆதரவை திரட்ட மத்திய அரசு முயன்று வரும் நிலையில், அது கிடைக்கும் பட்சத்தில் டிலிமிடெஷன் மசோதா கொண்டு வரப்படும் என தெரிகிறது.
இன்று காலை 11 மணிக்கு நாடாளுமன்றத்தின் இரு அவைகளுமே கூடியது. அப்போது எதிர்க்கட்சியினர் திரண்டு முழுக்கமிட்டனர். அவையை நடத்த முடியாத சூழல் ஏற்பட்டதால் இரு அவைகளுமே ஒத்திவைக்கப்பட்டன. இரு அவைகளும் பகல் 12 மணிக்கு மீண்டும் கூடுகிறது.நீட் வினாத்தாள் லீக் விவகாரம் தொடர்பாக சமூக ஆர்வலர் சோனம் வாங்சுக் காலவரையற்ற உண்ணாவிரதப் போராட்டம் மேற்கொண்டிருந்தார். அவரை கடந்த சனிக்கிழமை டெல்லி போலீசார் வலுக்கட்டாயமாக அகற்றினர். இவை எல்லாம் சேர்ந்தே நாடாளுமன்றத்தில் பெரிதாக வெடித்துள்ளது.