தமிழக அரசியலில் புதிய விவாதத்தையும் எதிர்பார்ப்பையும் உருவாக்கும் வகையில், முன்னாள் முதல்வர் ஜெயலலிதாவின் 78-வது பிறந்தநாளை முன்னிட்டு அதிமுக பொதுச்செயலாளர் எடப்பாடி பழனிசாமி முக்கிய அறிவிப்பை வெளியிட்டுள்ளார்.
வரவிருக்கும் தேர்தலை முன்னிட்டு மக்களை நேரடியாக சென்றடையும் வகையில் இந்த அறிவிப்பு அமைந்துள்ளது. அதிமுக சார்பில் வெளியிடப்பட்டுள்ள 3-ம் கட்ட தேர்தல் வாக்குறுதி தமிழக அரசியலில் பெரும் பரபரப்பை ஏற்படுத்தியுள்ளது. திமுக ஆட்சியில் விலைவாசி உயர்வு காரணமாக பொதுமக்கள் கடுமையாக பாதிக்கப்பட்டுள்ளதாக எடப்பாடி பழனிசாமி குற்றம்சாட்டினார். விலைவாசி உயர்வால் பொருளாதார சுமை அதிகரித்துள்ள நிலையில், மக்களை அந்த சுமையிலிருந்து மீட்டெடுக்க ‘கருணைத் தொகை’ வழங்கப்படும் என அறிவிக்கப்பட்டுள்ளது. அதன்படி, அதிமுக மீண்டும் ஆட்சியில் அமர்ந்தவுடன் ரூ.10,000 கருணைத் தொகை ஒவ்வொரு குடும்பத்திற்கும் நேரடியாக வழங்கப்படும் என உறுதி அளிக்கப்பட்டுள்ளது. இந்தத் தொகை நேரடியாக குடும்பங்களின் கைக்கு வந்து சேரும் வகையில் திட்டமிடப்பட்டுள்ளதாகவும், பொருளாதார ரீதியாக பாதிக்கப்பட்ட மக்களுக்கு உடனடி நிவாரணம் அளிப்பதே இந்த முயற்சியின் நோக்கம் எனவும் அவர் தெரிவித்துள்ளார்.
இந்த அறிவிப்பு வெளியாகியுள்ள நிலையில், தமிழக அரசியல் வட்டாரங்களில் தீவிரமான விவாதங்கள் எழுந்துள்ளன. தேர்தலை முன்னிட்டு பொதுமக்களின் ஆதரவைப் பெறும் வகையில் இந்த வாக்குறுதி முக்கிய பங்காற்றும் என அரசியல் பார்வையாளர்கள் கருதுகின்றனர்.மக்களின் பொருளாதார நலனை முன்னிலைப்படுத்தி வெளியிடப்பட்டுள்ள இந்த அறிவிப்பு, வரவிருக்கும் தேர்தல் சூழலில் முக்கிய தாக்கத்தை ஏற்படுத்தும் என எதிர்பார்க்கப்படுகிறது. தேர்தல் நெருங்கும் வேளையில் இப்படியான வாக்குறுதிகள் தமிழக அரசியலில் மேலும் சூடுபிடிக்க வாய்ப்புள்ளதாக பார்க்கப்படுகிறது.