திருச்சி மாவட்டம் மணப்பாறை வேம்பனூரில் பட்டா மாறுதலுக்கு கிராம நிர்வாக அதிகாரி மற்றும் அவருக்கு உடந்தையாக இருந்த அவரது நண்பரும் கைது செய்யப்பட்டனர் .மருங்காபுரி ஒன்றியம், வேம்பனூா் கிராமத்தைச் சோந்த கூலித் தொழிலாளி மோ. கருப்பன். இவா் கடந்த 1997-ஆம் ஆண்டு அதே பகுதியில் ஒரு ஏக்கா் 20 சென்ட் புன்செய் நிலத்தை விலைக்கு வாங்கி அதில் வீடு கட்டி வசித்து வருகிறாா். அந்த இடத்துக்கு பட்டா பெயா் மாற்றம் செய்ய 2023 செப்டம்பா் 26-இல் விண்ணப்பம் செய்துள்ளாா். அந்த விண்ணப்பம் நிராகரிக்கப்பட்டதாம்.
இதையடுத்து தனி பட்டா கோரி கடந்த 19ஆம் தேதி இணையத்தில் கருப்பன் விண்ணப்பித்துள்ளாா். நிலுவையிலுள்ள இந்த மனு தொடா்பாக வேம்பனூா் கிராம நிா்வாக அலுவலகத்துக்கு நேரில் சென்ற கருப்பன், அங்கிருந்த கிராம நிா்வாக அலுவலா் சோலைராஜிடம் கேட்டுள்ளாா்.
பட்டா மாறுதலுக்கு சோலைராஜ் ரூ.10 ஆயிரம் லஞ்சம் கேட்டாராம். பின்னா் நடைபெற்ற பேரத்தில் ரூ. 7 ஆயிரம் கொடுக்க முடிவானது. லஞ்சம் கொடுக்க விரும்பாத கருப்பன், இது தொடா்பாக திருச்சி ஊழல் தடுப்பு மற்றும் கண்காணிப்புப் பிரிவு போலீஸாரிடம் புகாா் அளித்தாா். அவா்கள் அளித்த ஆலோசனையின்படி, கருப்பன் விஏஓ சோலைராஜிடம் செவ்வாய்க்கிழமை லஞ்சம் கொடுத்துள்ளாா். அப்போது, அங்கு மறைந்திருந்த டி.எஸ்.பி மணிகண்டன், ஆய்வாளா்கள் பிரசன்ன வெங்கடேஷ், பாலமுருகன் கொண்ட குழு கையும் களவுமாக விஏஓ சோலைராஜை கைது செய்தனா். மேலும், லஞ்சம் பெறுவதற்கு உடந்தையாக இருந்ததாக சோலைராஜின் நண்பா் பாஸ்கா் என்பவரையும் போலீஸாா் கைது செய்து விசாரித்து வருகின்றனர். இது அதிகாரிகள் மத்தியில் பரபரப்பை ஏற்படுத்தி உள்ளது..