முகவரி கேட்பது போல நடித்து மூதாட்டியிடம் 6 பவுன் செயின் பறிப்பு

கோவை துடியலூர் அருகே உள்ள தொப்பம்பட்டி, போஸ்டல் காலனியை சேர்ந்தவர் விஸ்வநாதன் .இவரது மனைவி லட்சுமி ( வயது 66) இவர் நேற்று அங்குள்ள ரோட்டில் நடந்து சென்றார். அப்போது இரு சக்கர வாகனத்தில் வந்த ஒரு நபர் வாகனத்தை நிறுத்தி மூதாட்டியிடம் முகவரி கேட்பது போல அருகில் சென்றார். கண் இமைக்கு நேரத்தில் அவரது கழுத்தில் கிடந்த 6 பவன் செயினை பறித்து விட்டு இருசக்கர வாகனத்தில் தப்பி ஓடிவிட்டார். இது குறித்து மூதாட்டி லட்சுமி துடியலூர் போலீசில் புகார் செய்தார் .சப் இன்ஸ்பெக்டர் ராஜ்குமார் வழக்கு பதிவு செய்து மர்ம ஆசாமியை தேடி வருகிறார்.