தமிழக சட்டமன்றத் தேர்தலில் நிகழ்ந்துள்ள இந்த மாபெரும் வரலாற்று வெற்றிக்கு, “குழந்தை செல்வங்கள்” தான் மிக முக்கியமான காரணிகளில் ஒன்றாக மாறியிருப்பதாகத் தமிழக வெற்றிக் கழகத் தலைவர் விஜய் நெகிழ்ச்சியுடன் தெரிவித்துள்ளார்.
தனது வெற்றியைத் தொடர்ந்து அவர் வெளியிட்டுள்ள அறிக்கையில், “மாற்றத்திற்கான மாபெரும் முதன்மைச் சக்தியாக ‘தவெக’ விளங்கும் என்பதை இந்தத் தேர்தல் முடிவுகள் உலகிற்கு நிரூபித்துள்ளன” என்று அவர் பெருமிதத்துடன் குறிப்பிட்டுள்ளார்.
தமிழக அரசியலில் எக்காலத்திலும் நிகழவே நிகழாது என்று பலரால் கணிக்கப்பட்ட அந்த அதிசய மாற்றத்தை, தவெக-விற்கு வாக்களித்து சாத்தியமாக்கிய மக்களுக்கு எனது மனமார்ந்த நன்றிகளைத் தெரிவித்துக் கொள்கிறேன்” என விஜய் உருக்கமாகக் கூறியுள்ளார். இந்த அரசியல் வெற்றி என்பது வெறும் ஆட்சி மாற்றம் மட்டுமல்ல, இது மக்களின் நம்பிக்கைக்குக் கிடைத்த வெற்றி என்றும், புதிய மாற்றத்திற்கான தொடக்கம் என்றும் அரசியல் விமர்சகர்கள் விஜய்யின் இந்த அறிக்கையைக் கொண்டாடி வருகின்றனர்.