இன்று இந்தியப் பிரதமர் மோடியின் 75-வது பிறந்தநாள். இதை முன்னிட்டு நேற்று அமெரிக்கா அதிபர் ட்ரம்ப், மோடிக்கு போன் செய்து வாழ்த்து தெரிவித்துள்ளார்.
மோடி-ட்ரம்ப்இந்தப் போன்கால் குறித்து மோடி குறிப்பிட்டிருப்பதாவது…”எனது 75-வது பிறந்தநாளில் உங்கள் தொலைபேசி அழைப்பிற்கும், அன்பான உங்களது வாழ்த்துக்களுக்கும் நன்றி நண்பர் அதிபர் ட்ரம்ப்.
உங்களைப் போலவே, இந்தியா-அமெரிக்க விரிவான மற்றும் உலகளாவிய கூட்டாண்மையை புதிய உயரத்திற்கு எடுத்துச் செல்வதில் நானும் முழுமையாக உறுதிபூண்டுள்ளேன்.
உக்ரைன் மோதலுக்கு அமைதியான தீர்வு காண்பதற்கான உங்கள் முயற்சிகளை நாங்கள் ஆதரிக்கிறோம்” என்று தனது பதிவில் குறிப்பிட்டுள்ளார்.
அமெரிக்கா – இந்தியா இடையே வர்த்தகப் பேச்சுவார்த்தை நடந்துகொண்டிருக்கும் இந்த வேளையில், இரு நாட்டு தலைவர்களும் தொலைபேசியில் பேசியிருப்பது முக்கியத்துவம் பெறுகிறது.
மேலும், ரஷ்யா மற்றும் உக்ரைன் போர் நிறுத்தம் குறித்து ட்ரம்ப் மோடியுடன் நேரடியாக பேசியிருப்பது இதுவே முதல்முறை ஆகும்.