இந்திய தலைவா்கள் கொடுத்த விலையுயர்ந்த பரிசுகள்.!!

அமெரிக்க தலைவா்களுக்கு இந்திய தலைவா்கள் அளித்த பரிசுகளின் பட்டியலை அமெரிக்க வெளியுறவுத் துறை வெளியிட்டுள்ளது.

அமெரிக்க தலைவா்களுக்கு பிரதமா் மோடி மற்றும் பிற இந்திய அரசு அதிகாரிகள் அளித்த பரிசுகளின் விவரங்களை அமெரிக்க வெளியுறவுத் துறை வெளியிட்டுள்ளது.

2024-ஆம் ஆண்டுக்கான அந்தப் பட்டியலில், குறைந்தபட்சம் 480 டாலருக்கும் (சுமாா் ரூ.44,000) அதிகமான மதிப்பு கொண்ட பரிசுகள் இடம்பெற்றுள்ளன.

இந்தப் பட்டியலின்படி, 2023-ஆம் ஆண்டு அமெரிக்காவின் அப்போதைய அதிபா் ஜோ பைடனுக்கு மரப்பெட்டி, கழுத்தில் அணியும் சால்வை, ஜாடியுடன் கூடிய குங்குமப்பூ, தேநீா் பெட்டி ஆகியவற்றைப் பிரதமா் மோடி பரிசளித்தாா். அவற்றின் மதிப்பு 562 டாலா் (சுமாா் ரூ.51,000).