இடைத்தேர்தலில் பாஜக அமோக வெற்றி

மேற்குவங்க மாநிலத்தில் நடைபெற்ற சட்டப்பேரவை இடைத்தேர்தலில் ஆளும் பாஜ அமோக வெற்றி பெற்றுள்ளது.

அரசியல் ரீதியாக மிகவும் முக்கியத்துவம் வாய்ந்த நந்திகிராம் மற்றும் முஸ்லிம்கள் பெரும்பான்மையாக வாழும் ரெஜிநகர் ஆகிய இரு தொகுதிகளையும் கைப்பற்றி பாஜ வரலாற்றுச் சாதனை படைத்துள்ளது. நந்திகிராம் தொகுதியில் பாஜக சார்பில் போட்டியிட்ட ஹசிராணி ரத், 1,64,427 வாக்குகள் பெற்று அபார வெற்றி பெற்றார். அவரை எதிர்த்துப் போட்டியிட்ட காங்கிரஸ் வேட்பாளர் மிலன் பிரதான் 41,674 வாக்குகள் மட்டுமே பெற்று, 1,22,753 வாக்குகள் வித்தியாசத்தில் தோல்வியடைந்தார். அதேபோல், ரெஜிநகர் தொகுதியில் பாஜ வேட்பாளர் சங்கரவ் சர்க்கார் 1,29,914 வாக்குகள் பெற்று வெற்றி பெற்றார்.

அவரை எதிர்த்துப் போட்டியிட்ட ஆம் ஜனதா வளர்ச்சி கட்சி வேட்பாளர் குலாம் நபி ஆசாத் 54,098 வாக்குகள் பெற்று, 75,816 வாக்குகள் வித்தியாசத்தில் தோல்வியைத் தழுவினார். அதேபோல், அசாம் மாநிலம் நாகோன் மக்களவைத் தொகுதி இடைத்தேர்தல் வாக்கு எண்ணிக்கையில், பாஜ வேட்பாளர் தேவசிஷ் சர்மா 7,13,622 வாக்குகள் பெற்று வெற்றி பெற்றுள்ளார். அவரை எதிர்த்துப் போட்டியிட்ட அகில இந்திய ஐக்கிய ஜனநாயக முன்னணி தலைவர் பத்ருதீன் அஜ்மல் 5,71,706 வாக்குகளும், காங்கிரஸ் வேட்பாளர் சிபாமணி போரா 5,84,259 வாக்குகளும் பெற்று அடுத்தடுத்த இடங்களில் உள்ளனர்.

இது குறித்து எக்ஸ் தளத்தில பதிவிட்டுள்ள பிரதமர் மோடி மக்களுக்கும், பாஜவுக்கும் இடையே உள்ள ஆழமான தொடர்பு இந்த இடைத்தேர்தல் வெற்றி மூலம் நிரூபணம் ஆகி உள்ளது” என்று குறிப்பிட்டுள்ளார்.