தமிழ்நாடு முழுவதும் நிலத்தடி நீர்மட்டத்தை உயர்த்தவும், மழைக்காலங்களில் பொழியும் நீரைச் சேமிக்கவும் தமிழக அரசு அதிரடி நடவடிக்கை எடுத்துள்ளது . மாநிலத்தில் உள்ள மழைநீர் சேகரிப்பு அமைப்புகளைப் புதிய தொழில்நுட்பத்துடன் கட்டுவதற்கும், பழைய அமைப்புகளைச் சீரமைத்து பராமரிப்பதற்குமான விரிவான புதிய வழிகாட்டு நெறிமுறைகளை அரசு அதிகாரப்பூர்வமாக வெளியிட்டுள்ளது . இந்த வழிகாட்டுதல்களை அரசு அலுவலகங்கள், பள்ளிகள், கல்லூரிகள் மற்றும் குடியிருப்புப் பகுதிகள் அனைத்தும் கட்டாயமாகப் பின்பற்ற வேண்டும் என அறிவுறுத்தப்பட்டுள்ளது .
புதிய நெறிமுறைகளின்படி, மொட்டை மாடிகளில் விழும் மழைநீரைக் கூழாங்கற்கள் மற்றும் மணல் வடிகட்டிகள் மூலம் சுத்திகரித்து தொட்டிகளில் சேமிக்க வேண்டும் என்றும், அல்லது கிணறுகள் மற்றும் ஆழ்துளைக் கிணறுகளுக்குத் திருப்பி விட வேண்டும் என்றும் தெரிவிக்கப்பட்டுள்ளது. 1,000 சதுர அடி பரப்பளவு கொண்ட மாடி நிலப்பரப்பில் ஆண்டிற்கு விழும் சுமார் 97,000 லிட்டர் மழைநீரில் 70 சதவீதமான 68,000 லிட்டர் நீரை எளிதாகச் சேமிக்க முடியும் என்ற கணக்கீட்டையும் அரசு வெளியிட்டுள்ளது.
கடந்த அக்டோபர் 21-ம் தேதி முதலமைச்சர் சி.ஜோசப் விஜய் மழைநீர் சேகரிப்பு விழிப்புணர்வுப் பிரச்சாரத்தைத் தொடங்கி வைத்ததைத் தொடர்ந்து தற்போது இந்த அரசாணை வெளியிடப்பட்டுள்ளது. அனைத்து அரசுத் துறைகளும், மாவட்ட ஆட்சியர்களும், உள்ளாட்சி அமைப்புகளும் ஒருங்கிணைந்து குறித்த காலக்கெடுவுக்குள் இந்தத் திட்டத்தைச் செயல்படுத்த தீவிர நடவடிக்கை எடுத்து வருகின்றன. ‘பொலிமர் நியூஸ்’ வெளியிட்டுள்ள இந்த முக்கியச் செய்தி அட்டை தற்போது சமூக வலைதளங்களில் மிக வேகமாகப் பரவி வருகிறது.