பயணிகளுக்கு குட் நியூஸ்… திருச்சி, நாகர்கோவில், விரைவு ரயில்கள் சிங்காநல்லூர், இருகூரில் இன்று முதல் நின்று செல்லும்.!!

கோவை நாகர்கோவில் திருச்சி – பாலக்காடு ரயில்கள் இன்று முதல் சிங்காநல்லூர், இருகூர் ரயில் நிலையங்களில் நின்று செல்லும் என்று ரயில்வே கோட்ட நிர்வாகம் அறிவித்துள்ளது. இது தொடர்பாக சேலம் ரயில்வே கோட்ட நிர்வாகம் வெளியிட்டுள்ள செய்தி குறிப்பில் கூறியிருப்பதாவது:- திருச்சி – பாலக்காடு டவுன் விரைவு ரயில்,பாலக்காடு டவுன் – திருச்சி விரைவு ரயில், நாகர்கோவில் – கோவை விரைவு ரயில் கோவை – நாகர்கோவில் விரைவு ரயில் ஆகிய ரயில்கள் சிங்காநல்லூர், இருகூர் ரயில் நிலையங்களில் இன்று (திங்கள்) முதல் நின்று செல்லும். இதேபோல கோவை – நாகர்கோவில் ரயில், நாகர்கோவில் – கோவை ரயில், மேலப்பாளையம் ஆரல்வாய்மொழி ஆகிய ரயில் நிலையங்களிலும் இன்று முதல் நின்று செல்லும். இவ்வாறு அதில் கூறப்பட்டுள்ளது. இந்த அறிவிப்பு இருகூர் சிங்காநல்லூர் ரயில் பயணிகளுக்கு இடையே பெரும் வரவேற்பு பெற்றுள்ளது..