ஜோதிடத்தில், கிரகங்களின் மாற்றம் அல்லது பெயர்ச்சி முக்கியமானதாகக் கருதப்படுகிறது. ஒரு கிரகம் ராசியை மாற்றும் போதெல்லாம், 12 ராசிக்காரர்களின் வாழ்க்கையில் அதன் தாக்கத்தை காணலாம்.
கிரகங்களின் ராசி மாற்றம் நல்ல பலன்களையும் தீய பலன்களையும் ஏற்படுத்தும்.
ஆண்டின் ஆறாவது மாதமான ஜூன் மாதம் தொடங்க உள்ளது. ஜூன் மாதத்தில் சில கிரகங்கள் ராசி மாறப் போகின்றன. ஜூன் மாதத்தில் எந்தெந்த கிரகங்கள் ராசி மாறப் போகின்றன என்பதை இந்த பதிவில் காணலாம்.
ஜூன் மாதம் துவங்க இன்னும் சில நாட்களே உள்ளன. இப்படிப்பட்ட நிலையில் ஜூன் மாதத்தில் 5 பெரிய கிரகங்கள் ராசியை மாற்றப் போகின்றன. மேலும் கிரகங்களின் ராசி மாற்றத்தின் பலன்ங்களின்அனைத்து ராசிக்காரர்கள் மீதும் காணப்படும். எந்த கிரகம் எப்போது ராசியை மாற்றப்போகிறது என்பதை தெரிந்து கொள்வோம்.
ஜூன் இரண்டாம் தேதி செவ்வாய் தனது ராசியை மாற்றுகிறார். அப்போது செவ்வாய் கிரகம் மிதுன ராசியில் இருந்து கடக ராசிக்கு செல்ல உள்ளார். ஜோதிடத்தில், செவ்வாய் கிரகம் கடின உழைப்பு, துணிச்சல், வலிமை, தைரியம் மற்றும் ஜாதகத்தில் வலிமை ஆகியவற்றின் காரணியாக கருதப்படுகிறது.
ஜூன் 2 ஆம் தேதி செவ்வாய் கிரகத்தின் மாற்றத்திற்கு பிறகு, புதன் கிரகம் ஜூன் 3 ஆம் தேதி பின்னோக்கி நகர்வார். ஜூன் 3 ஆம் தேதி, புதன் கிரகம் ரிஷப ராசியில் வக்கிரமாவார். எந்த ஒரு கிரகமும் வக்கிரமாகும் போது, அது நேராக நகராமல் பின்னோக்கி செல்லும். எந்த நபரின் ஜாதகத்தில் புதன் கிரகம் வலுப்பெற்றிருக்கிறதோ, அந்த நபர் கல்வி, தொழில், வியாபாரம் மற்றும் வேலையில் முன்னேற்றம் அடைவார். ஜாதகத்தில், புதன் கிரகம் பேச்சு, புத்திசாலித்தனம், விவேகம் மற்றும் முடிவெடுக்கும் திறன் ஆகியவற்றின் காரணியாக கருதப்படுகிறது.
ஜூன் 15ஆம் தேதி கிரகங்களின் அரசனான சூரியன் பெயர்ச்சியாகப் போகிறது. ஜோதிட சாஸ்திரத்தின் படி, ஒருவரது ஜாதகத்தில் சூரியன் வலுவாக இருந்தால், அவருக்கு மரியாதை மற்றும் புகழ் கிடைக்கும். அதே நேரத்தில், சூரியன் பலவீனமாக இருக்கும்போது, நபரின் ஆரோக்கியம், கௌரவம் மற்றும் புகழ் ஆகியவற்றில் எதிர்மறையான விளைவு ஏற்படும்.
ஜூன் 20 ஆம் தேதி, வியாழன் அதாவது குரு பகவான் கும்ப ராசியில் பின்னோக்கி நகர்வார். வியாழன் கிரகம் செல்வம், பெருமை, திருமண வாழ்க்கை, குழந்தைகள் மற்றும் கல்வி போன்றவற்றின் காரணியாக கருதப்படுகிறது. ஜாதகத்தில் வியாழன் வலுவாக இருந்தால், ஒரு நபர் அனைத்து பணிகளிலும் வெற்றி பெறுகிறார்.
சுக்கிரன் ஜூன் 22 அன்று கடக ராசியில் பெயர்ச்சியாக உள்ளார். இந்த காலகட்டத்தில் மிதுன ராசியில் இருந்து கடக ராசிக்குள் சுக்கிரன் பிரவேசிப்பார். சுக்கிரன் கிரகம் பொருள் இன்பத்தின் காரணியாக கருதப்படுகிறது. ஜாதகத்தில் சுக்கிரன் பலவீனமாக இருந்தால், அந்த நபர் நிதி நெருக்கடியால் அவதிப்படுவார். அதே நேரத்தில், சுக்கிரன் வலுவாக இருக்கும்போது, அந்த நபர்களுக்கு செல்வம், புகழ். மரியாதை என அனைத்தும் வந்துசேரும்.