இணையதளம், ஸ்மார்ட்போன், ஆன்லைன் ஷாப்பிங் என உலகம் முழுவதும் எல்லா செயல்பாடுகளும் டிஜிட்டல் மயமாகி வரும் இந்த காலகட்டத்தில், இந்திய தபால்துறையும் அதற்கேற்ப இனி பின்கோடுக்கு பதிலாக புதிய டிஜிட்டல் அடையாள முறையை அறிமுகப்படுத்தியுள்ளது.
இதுவரை தபால்களை அல்லது பார்சல்களை அனுப்ப PIN Code முக்கியப் பங்கு வகித்தது. ஆனால் அதில் சில சிக்கல்கள் உள்ளன. குறிப்பாக, பின்கோடுகள் ஒரு பகுதிக்கே பொதுவானவையாக உள்ளது. ஆனால் இனி ஒவ்வொரு வீடும் கடையும் தனித்தனி முகவரியுடன் அடையாளம் காண டிஜிபின் எனும் புதிய திட்டம் உருவாக்கப்பட்டுள்ளது.
டிஜிபின் என்பது 10 எழுத்துகள் மற்றும் எண்கள் கொண்ட தனிப்பட்ட குறியீடு. இது உங்கள் வீடு, கடை, அலுவலகம் போன்ற இடங்களை மிகத் துல்லியமாக அடையாளம் காணும் என அறிவிக்கப்பட்டுள்ளது. இதில் உங்கள் முகவரியைப் பதிவு செய்ய இந்திய தபால்துறையின் அதிகாரப்பூர்வ இணையதளமான https://dac.indiapost.gov.in/mydigipin/home என்ற இணைய முகவரிக்கு சென்று பெறலாம்.
உங்கள் மொபைலில் Location வசதி ஆன் செய்யப்பட்டிருக்க வேண்டும். மேலுள்ள இணையதளத்தை திறக்கவும், உங்கள் இருப்பிடம் அடிப்படையில் ஒரே கிளிக்கில் டிஜிபின் வழங்கப்படும்.
பின் அதை உங்கள் பார்சல் முகவரியாக அல்லது ஷாப்பிங் முகவரியாக பயன்படுத்தலாம்
Amazon, Flipkart போன்ற இ-காமர்ஸ் டெலிவரி நிறுவனங்கள் உங்கள் வீட்டை துல்லியமாக கண்டுபிடித்து நேரடியாக பொருட்களை டெலிவரி செய்ய இது பெரிதும் உதவும்.
குறிப்பாக ஆம்புலன்ஸ், தீயணைப்பு, போலீஸ் ஆகிய சேவைகள், உங்கள் இருப்பிடத்தை விரைவாக அடைய இது பயன்படும். மேலும் கிராமப்புறங்களில் இருப்பவர்கள் இதன்மூலம் சரியான முகவரி பதிவு செய்ய முடியும்.
இந்த டிஜிபின் மூலம் உங்களுடைய தரவுகள் எதுவும் லீக் ஆகாது. தனி நபரின் தனிப்பட்ட தரவு எதையும் இது சேமிக்காது, பாதுகாப்பு விதிமுறைகளை ஒவ்வொருவரின் தனிப்பட்ட தரவுகள் பாதுகாக்கப்படும் என தெரிவிக்கப்பட்டுள்ளது.
மொத்தத்தில், இனி தபால்காரர் உங்கள் முகவரியை தேடி அலைய வேண்டிய அவசியமில்லை. ஒரு டிஜிபின் குறியீடே போதுமானது. துல்லியமாக உங்கள் முகவரியை வந்து சேர முடியும்.