வீட்டுக்குள் புகுந்த பாம்பு கடித்து ஒருவர் மரணம்..

கோவை சரவணம்பட்டி அருகே உள்ள சின்னவேடம்பட்டி, அஞ்சுகம் நகரை சேர்ந்தவர் கார்த்தி ( வயது 38)இவரது மனைவி நித்யா (வயது 37) கருத்து வேறுபாடு காரணமாக கடந்த 4 ஆண்டுகளாக இருவரும் தனியாக வாழ்ந்து வருகிறார்கள்..இந்த நிலையில் நேற்று கார்த்திக் வீட்டின் அருகே வசிக்கும் ராஜா என்பவரது வீட்டினுள் ஒரு பாம்பு புகுந்தது .. இதை பார்த்து ராஜா சத்தம் போட்டார் . இதைக் கேட்டு அருகில் இருந்த கார்த்திக் ஓடி வந்து அந்த வீட்டினுள் புகுந்த பாம்பை பிடித்து பிளாஸ்டிக் பையில் போட்டார்.பின்னர் அதைக் காட்டுப் பகுதியில் கொண்டுவிட சென்ற போது அவரது இடது கை விரலில் அந்த பாம்பு கடித்துவிட்டது .அவரை சிகிச்சைக்காக அரசு மருத்துவமனைக்கு எடுத்துச் சென்றனர். அங்கு சிகிச்சை அளித்தும் பலன் அளிக்காமல் இறந்தார் .இது குறித்து மனைவி நித்யா சரவணம்பட்டி போலீசில் புகார் செய்தார். போலீசார் வழக்கு பதிவு செய்துசாரணை நடத்தி வருகிறார்கள்.