இந்தியாவில் புழக்கத்தில் உள்ள ரூபாய் நோட்டுகளின் மொத்த மதிப்பு ரூ.43.46 லட்சம் கோடியாக உயர்ந்துள்ளது.
கடந்த ஐந்து ஆண்டுகளில் பதிவான அதிகபட்ச வளர்ச்சி இதுவென ரிசர்வ் வங்கியின் அறிக்கையில் தெரிவிக்கப்பட்டுள்ளது.
அக்டோபர் 15-ம் தேதி நிலவரப்படி, ரூபாய் நோட்டுகளின் புழக்க மதிப்பு ஓராண்டில் 13.5 சதவீதம் அதிகரித்துள்ளது. வெளிநாடு வாழ் இந்தியர்களின் அந்நியச் செலாவணி வைப்புகள் உள்ளிட்ட காரணங்களால் வங்கிகளுக்கு வந்த டாலர் நிதி, இந்த வளர்ச்சிக்குப் பங்களித்ததாக அறிக்கை சுட்டிக்காட்டுகிறது.
நாட்டில் டிஜிட்டல் பணப்பரிவர்த்தனைகள் ஊக்குவிக்கப்பட்டு வரும் நிலையில், ரொக்கப் பணத்தின் புழக்கமும் அதிகரித்துள்ளது. இருப்பினும், ரொக்கப் பணப்புழக்கத்தின் வளர்ச்சியையும் டிஜிட்டல் பரிவர்த்தனைகளின் வளர்ச்சியையும் தனித்தனியாகப் புரிந்துகொள்ள வேண்டும் எனப் பொருளாதாரத் தரவுகள் காட்டுகின்றன.