வேகமெடுக்கும் கொடநாடு வழக்கு!அடுத்தது என்ன? 

  இந்த நிலையில் முதல் சாட்சியான சாந்தாவை வழக்கு விசாரணைக்கு வந்து சாட்சி அளிக்க கூடாது என்று சயான் மற்றும் வாளையார் மனோஜ் ஆகியோர் கடந்த 2019 ஆம் ஆண்டு மிரட்டல் விடுப்பதாக கூறி உதகையில் உள்ள B1 காவல் நிலையத்தில், லாட்ஜ் உரிமையாளர் சாந்தா புகார் அளித்தார். அதனை அடுத்து சயான் மற்றும் வாளையார் மனோஜ் மீது 3 பிரிவுகளின் கீழ் வழக்கு பதிவு செய்யப்பட்டது. மேலும் குண்டர் சட்டம் போடப்பட்டது. இது குறித்த வழக்கு விசாரணை உதகையில் உள்ள மாவட்ட ஒருங்கிணைந்த கூடுதல் மகிளா நீதிமன்றத்தில் நடைபெற்று வந்த நிலையில், அவர்கள் மீது சுமத்தப்பட்ட குற்றச்சாட்டு முறையாக நிரூபிக்கப்படவில்லை என்று கூறி நீதிபதி சோழியா சயான் மற்றும் வாளையார் மனோஜ் ஆகியோரை விடுதலை செய்து தீர்ப்பளித்துள்ளார்.