திருநெல்வேலி மாவட்டத்தில் வடகிழக்கு பருவமழை தீவிரமாக பெய்து வருவதால், காய்கறி சந்தைகளுக்கு வரும் அத்தியாவசிய பொருட்களின் வரத்து வெகுவாக பாதிக்கப்பட்டுள்ளது. இதன் நேரடி விளைவாக, தரமான பெரிய வெங்காயத்தின் விலை திடீரென உயர்ந்து, ஒரு கிலோ *ரூ.100-ஐ* தொட்டு விற்பனையாகிறது.வடகிழக்கு பருவமழை தொடர்ந்து வெளுத்து வாங்கி வருவதால், வெளி மாநிலங்களில் இருந்து காய்கறிகள் கொண்டு வரும் பணி பாதிக்கப்பட்டுள்ளது. இதனால், சந்தையில் வெங்காயத்தின் வரத்து கடுமையாகக் குறைந்து காணப்படுகிறது.
இந்த வரத்துக் குறைப்பினால் தான் வெங்காயத்தின் விலை கிடுகிடுவென உயர்ந்து, ஒரு கிலோ நூறு ரூபாயைத் தொட்டதாக வியாபாரிகள் தகவல் தெரிவித்துள்ளனர். இனிமேல் வெளி மாநிலங்களில் இருந்து வெங்காயத்தின் வரத்து சீரானால் தான் விலை நிலைமை சீராகும் என அவர்கள் கூறினர்.திடீரென அதிகரித்துள்ள இந்த வெங்காய விலையினால், இல்லத்தரசிகள் பெரும் அதிர்ச்சி அடைந்துள்ளனர்.தரமான பெரிய வெங்காயம் ரூ.100-க்கு விற்கப்படும் நிலையில், மற்ற ரகங்களின் விலை சற்று குறைவாகவே உள்ளது.
* தரம்குறைந்த சிறிய ரக வெங்காயம் ஒரு கிலோ *ரூ.70* ஆக உள்ளது.
* பல்லாரியின் விலை ஒரு கிலோ *ரூ.30* ஆக உள்ளது.
இதற்கிடையே, மழைக்காலங்களில் அதிக அளவில் விளையும் சீனிக்கிழங்கு மற்றும் கப்பக்கிழங்கு (மரவள்ளிக்கிழங்கு) ஆகியவற்றின் விலை சந்தையில் மிகவும் குறைவாக உள்ளது. குறிப்பாக, மைசூர் பகுதியில் இருந்து கொண்டுவரப்பட்ட இந்த கிழங்குகள் ஒரு கிலோ *ரூ.30-க்கு* மட்டுமே விற்கப்படுகிறது.மற்ற காய்கறிகளின் விலையும் மழை காரணமாக உயர்ந்துள்ளதால், பொதுமக்கள் குறைவான விலையில் கிடைக்கும் சீனிக்கிழங்கு மற்றும் மரவள்ளி கிழங்கு களை போட்டிப் போட்டுக் கொண்டு வாங்கிச் சென்றனர்.கிலோ ஒன்று 30 ரூபாய்க்கு விற்கப்படும் சீனி கிழங்கு மற்றும் மரவள்ளி கிழங்கு அனைத்தும் மைசூர் பகுதியில் இருந்து கொண்டு வந்து இங்கு விற்கப்படுவதாக விற்பனையாளர் தெரிவித்தார்.